1401. März 2. Rome

IN NOMINE DOMINI AMEN. Pridem Sanctissimus in Cristo pater et dominus noster dominus Bonifacius divina providencia papa Nonus causam cuiusdam appellacionis pro parte venerabilis viri fratris Mathie asserentis se prepositum Monasterii Domusdei ordinis Premonstratensis Wratislauiensis diocesis interposite a certa sentencia diffinitiva pro Religiosis dominabus Priorissa et Conventu dicti Monasterii ac quodam fratre Nicolao et contra dictum fratrem Mathiam per Reverendum in Cristo patrem et dominum Nicolaum Episcopum Ferentin. sacri palacii apostolici causarum Auditorem lata In causa que coram eo vertebatur inter prefatum frafrem Mathiam ex una parte et dictas dominas ac supradictum fratrem Nicolaum de et super prepositura dicti Monasterii et ipsius occasione parte ex altera, nobis Nicolao Vordis Utriusque Juris Doctori Capellano suo et sui sacri palacii apostolici causarum Auditori commisit audiendam cognoscendam decidendam et fine debito terminandam cum omnibus suis emergen. inciden. dependen. et connexis. Cuius quidem commissionis vigore per nos Nicolaum Vordis Auditorem prefatum in causa huiusmodi inter partes in predicta nobis facta commissione contentas debito continuato processu Servatisque servandis nos pro supradictis Religiosis dominabus Priorissa et Conventu et contra eundem fratrem Mathiam diffinitivam tulimus et promulgavimus Sentenciam per quam inter cetera prefatum fratrem Mathiam in expensis in huiusmodi cause instancia coram nobis legitime factis condempnavimus Ipsarum expensarum taxacionem nobis imposterum reservando. Subsequenter vero vigore reservacionis taxacionis expensarum huiusmodi nos ad providi viri Magistri Jacobi de Subinago in Romana Curia et dictarum Religiosarum dominarum Priorisse et Conventus prefati Monasterii procuratoris substituti per honorabilem virum Magistrum Franciscum Burg in eadem Romana Curia et predictarum dominarum Priorisse et Conventus et per easdem dominas Priorissam et Conventum in huiusmodi causa procuratorem constitutum instanciam discretum virum Magistrum Johannem Scriuan. eciam in antedicta Curia et predicti fratris Mathie principalis ex adverso procuratorem prout de ipsorum Magistrorum Francisci Burg, Jacobi de Subinago et Johannis Scriuan. procuratorum mandatis in actis presentis cause nobis legitimis constabat documentis, Ad videndum et audiendum per nos expensas in hac instancia pro parte dictarum Religiosarum dominarum Priorisse et Conventus supradicti Monasterii principalium coram nobis legitime factas taxari et moderari, vel ad dicendum et causam si quam habebat racionabilem allegandum quare expense huiusmodi minime taxari debebant, per certum domini nostri pape Cursorem citari mandavimus et fecimus ad certum peremptorium terminum competentem videlicet diem et horam inferius annotatas quas ad Idem supradicto Magistro Jacobo de Subinago procuratori substituto id petenti duximus statuendum. Quibus quidem die et hora huiusmodi advenientibus in eisdem comparente Judicialiter coram nobis Magistro Jacobo de Subinago procuratore predicto procuratorio nomine quo supra et prefati Magistri Johannis Scriuan. ex adverso procuratoris non comparentis neque Expensas easdem pro parte ipsarum Religiosarum dominarum Priorisse et Conventus dicti Monasterii Principalium in hac instancia coram nobis legitime factas taxari et moderari per nos audire curantis contumaciam accusante Ipsumque contumacem reputari Et in ipsius contumaciam Expensas predictas per nos taxari et moderari debita cum instancia postulante, Nos tunc dictum Magistrum Johannem Scriuan. procuratorem non comparentem neque presenti termino satisfacere curantem licet tamen sufficienter expectatum reputantes merito prout erat exigente iusticia contumacem Et in ipsius contumaciam Expensas easdem pro parte prefatarum Religiosarum dominarum Priorisse et Conventus dicti Monasterii principalium in hac instancia coram nobis legitime factas ad viginti florenos de Camera boni auri et iusti ponderis et in quibus dictus frater Mathias principalis per nos sentencialiter condempnatus existit, supradictis Religiosis dominabus Priorisse et Conventui dicti Monasterii principalibus aut eorum legitimo procuratori ad ho sufficiens mandatum habenti per prefatum fratrem Mathiam principalem semel dumtaxat solvendos realiter et tradendos provida moderacione previa taxavimus et tenore presencium taxamus Recepto u. s. w. wie in der vorigen Urkunde.
In quorum etc. per Euerardum de Oerscot etc.
Taxate fuerunt huiusmodi expense per nos Nicolaum Vordis Auditorem prefatum Rome apud Sanctumpetrum in palacio causarum apostolico in quo iura reddi solent nobis inibi mane hora causarum ad iura reddendum in loco nostro solito pro tribunali sedentibus Sub Anno a nativitate domini Millesimo Quadringentesimoprimo Indiccione Nona die Mercurii Secunda Mensis Marcii, Pontificatus sanctissimi in Cristo patris et domini nostri domini Bonifacii divina providencia pape noni predicti Anno duodecimo, Presentibus ibidem discretis viris Magistris Henrico de Onsleue et Johanne Gruter notariis publicis scribisque nostris clericis Halberstadensis et Coloniensis dioc. Testibus ad premissa vocatis specialiter et Rogatis.
Signum Notarii.
Et Ego Euerardus de Oerscot Clericus Leod. dioc. Publicus Apostolica et Imperiali auctoritate Notarius dictique domini Nicolai Vordis Auditoris et huiusmodi cause coram eo Scriba predictarum Expensarum taxacioni Omnibusque aliis et singulis prernissis sic ut premittitur peractis unacum prenominatis testibus presens interfui Eaque sic fieri vidi et audivi. Ideo presens publicum Instrumentum manu mea propria scriptum exinde confeci et in hanc publicam formam redegi Signoque et nomine meis consuetis unacum eiusdem domini Nicolai Vordis Auditoris sigilli appensione signavi Rogatus et Requisitus in fidem et testimonium omnium et singulorum premissorum.

Aus dem Archiv von S. Vincenz. Das Siegel ist verloren.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.